360° season 11, show 75 Од „Леонардо“ немале најповолна понуда за хеликоптерите, туку ја коригирале

Broadcasted on June 30, 2025 (Monday) on MRT1 at 20.15.

Зад нас е недела во која се случи самит на НАТО кој го доби атрибутот историски и најважен по завршувањето на Студената војна. Главната вест од Хаг е согласноста на 32-те членки, меѓу кои и земјава, за зголемување на трошоците за одбраната до 2035 г. од сегашните минимум два отсто од БДП на 3,5 отсто со дополнителни 1,5 отсто за инфраструктура. Во апсолутни бројки, ако актуелната проекција за БДП е 16,6 милијарди евра, два отсто се околу 330 милиона евра, колку што изнесува и годинешниов буџет за македонската одбрана. Со оглед на тоа што е тешко од денешна перспектива да се претпостави колку ќе изнесува БДП во 2035 година, ако за илустрација претпоставиме дека трошоците за одбраната требало да бидат 3,5 отсто годинава, тоа во апсолутни бројки би изнесувало околу 580 милиони евра што е, на пример, речиси исто како чинењето на автопатот од Кичево до Охрид. Како земјава ќе стигне до буџет за одбраната кој ќе биде 3,5 отсто од БДП е едно од прашањата за кои разговараме со министерот за одбрана и потпретседател на ВМРО-ДПМНЕ, Владо Мисајловски, кој гостува во новото издание на „360 степени“. Тема се и тековните договори за набавка на опрема за Армијата, меѓу кои и оној со италијански „Леонардо“ за купување осум транспортни хеликоптери за чија анализа Владата најми странска адвокатска куќа. Мисајловски го прашуваме и дали знае до каде е постапката пред ДКСК за вонредното унапредување на Сашко Лафчиски како основа да биде поставен за началник на ГШ, зошто повеќе од половина година земјава нема амбасадор во НАТО и како Петар Богојески не беше соодветен за директор на Националната агенција за европски образовни програми и мобилност, а е соодветен да едуцира кадар за Армијата и Министерството.

Прегледи: 2539