Broadcasted on November 17, 2025 (Monday) on MRT1 at 20.15.
Наодите на интерната комисија на Министерството за здравство дека во десет од пријавени 25 случаи станува збор за неправилно упатени на операција или непотребно оперирани пациенти со кардиоваскуларни дијагнози, ги потврдија наводите првично пласирани од кардиологот Сашко Кедев, но со оглед на тоа што беа соопштени малку информации, отворија и многу дилеми. За дел од нив, во новото издание на „360 степени“ на МРТ 1, разговараме со министерот за здравство Азир Алиу. Зошто не ги соопштија имињата на болниците и докторите, колку се објективни наодите на комисијата со оглед на тоа што во неа членуваат доктори од потенцијално засегнати болници, дали половичните информации може да ги направат несигурни пациентите, кога треба да се очекува финалниот извештај, што би биле следните чекори (евентуални последици/санкции за инволвираните)… Со оглед на тоа што Алиу политички и припаѓа на ВЛЕН, го отвораме и прашањето за претстојното пополнување на испразнети места во Владата и евентуална промена на актуелни министри или ротација на ресори.
Прегледи: 1342
2 коментари
Кај постапката за проверка на неопходноста од кардиоваскуларни интервенции кај пацијентите на приватните здравствени установи мора да се обезбеди транспарентност но во граници кои значат заштита од инкриминирање без докази и нанесување штета за угледот на лекарите и на институциите кои сепак спасуваат животи. Не смее да се подлегне на сензационализам кој продава медиумска услуга а сее недоверба кај граѓаните кои се корисници на двата типа услуги-здравствена и информативна. Ако се објави вест, за која ќе се утврди дека е непоткрепена, ќе треба медиуот да го обештети неправедно посочениот. Никој не презема одговорност за објавена вест може затоа што нема тужби за надомест на штета како на запад. Во поранешната држава дури ни обвинетите со правосилно обвинение во весниците беа објавувани со иницијали, а полното име и презиме се објавуваше само со пресудувањето со задолжителна напомена дека пресудата не е правосилна и извршна. Сега осомничените-лица за кои трае истрага, обвинетите-за кои се води постапка, се објавуваат со име и презиме дури и од ОЈО, од медиуми и се бара „правда“ која е еднаква на јавен линч. Никој не е виновен додека со пресуда не се докаже вина за сторено противправно дејствие. Секоја медиумска куќа мора однапред да внимава на заштитата не само на правата на куќата туку и на прават на субјектите на кои се однесуваат објавените вести. Одговорноста е кај секого за дејствието што го презема или не го презема без разлика дали се прекршува правна-пишана норма или етичка-обичајна норма.
Што се однесува на трошењето на парите од здравствениот буџет нормално е да се очекува дека контролата на опремата која се набавува прво ќе доведе до унификација на типот на услугата а второ и до заштеда на време и пари при размена на информациите меѓу одделни здравствени институции. Не смее да се заборави дека треба и системски да се зафати во проблемот на набавките-се додека посртојат ексклузивни добавувачи на одредени лекови и медицински средств а и помошен материјал ќе има ситуации за појава на само еден понудувач. Проблемот ќе се реши со строга контрола на прозводната цена, удеот на транспортните и царинските давачки и се разбира цената на чинење на услугата од економскиот оператор па ќе се максимира расоложивиот капитал резервиран за набавката или пак ќе се договара количество на премет на набавката кое ќе биде ставена на „располагање“ со право да се подига само неопходната количина. Министерот Алиу е информатичар и несомнено му е јасно како тоа треба да се стави во еден информатички систем од каде ќе се добијат непосредни и промптни податоци не само за секоја набавка туку и за секој потрошен лек, средство и сл. и брзо и лесно ќе се открие секоја слабост на системот која ќе може да се спречи на самиот почеток. Тао нешто ќе го спаси здравството од судски спорови кои дополнително и непотребно го оптоваруваат буџетот на МЗ
Коментарите се затворени.